ሓፈሻዊ ትሕዝቶ

ኣብ መንጎ ውሉድን ወላዲኦምን ወይ ኣላዪኦምን ዘሎ ርክብ ሓሳብ ንሓሳብ ናይ ምልውዋጥ መሰረት እዩ። Talk Box/ቶክ ቦክስ ወለድን ኣለይትን ንዘረባን ቋንቋን ውሉዶም ዝሕግዙሉ መገድታት ንኽመሃሩ ዝሕግዝ ናይ ኦንላይን ሃፍትታት ስብስብ እዩ። ምስ ውሉድካ እትገብሮ ዝዀነ ይኹን ንጥፈት ቋንቋ ንምምሃር ዕድል ይኸፍት እዩ። ብሓባር ክትጻወቱን መዓልታዊ ነገራት ክትገብሩን ከለኹም ንውሉድኩም ኣዘራርቡ። ንውላድኩም ብኸመይ ትዛረቡን ትምልሱሉን ለውጢ የምጽእ እዩ።

እቲ Talk Box/ቶክ ቦክስ ንውሉድኩም ኽትሕግዙ ምኽርታት ይህበኩም እዩ። ነዚ ዝስዕብ ክትመሃሩ ኢኹም፦

• ሓሳብ ንሓሳብ ናይ ምልውዋጥ መትረብ ንምምዕባል ምስ ውሉድኩም ብኸመይ ከም እትዘራረቡ
• ውሉድኩም ቛንቋ ንኸማዕብል ዝሕግዝ ንጥፈታት
• ኣብ ናይ ዘረባ ድምጽን ምዕባለ ቋንቋን እንታይ ክትጽበዩ ኸም ዘለኩም
• ንውሉድኩም በቲ ኣጸቢቕኩም እትፈልጥዎ ቛንቋ ምዝርራብ
• መዓስን ኣበይን ሓገዝ ክትረኽቡ ከም ዘለኩም

እቲ Talk Box/ቶክ ቦክስ ንወለዲ፣ ንኣለይትን ንውሉድኩም ንዚከናኸንዎም ኻልኦትን እዩ ዝጠቅም። ናይ ምዝራብን ቋንቋን ኣገልግሎታት ንምትካእ ኣይኰነን። ብዛዕባ ኣዘራርባን ምዕባለ ቛንቋን ውሉድኩም ትጭነቑ እንተ ኾይንኩም፣ ምስ ሓደ ናይ ዝርርብ ቋንቋ ፓቶሎጂስት ተራኸቡ።